"да свободным гласом Тя славословлю и аз."-Какая дивная песнь!

[olshananaeva]

Канон покаянный ко Пресвятой Богородице.
Глас 6
Песнь 1
Яко по суху пешешествовал Израиль...

Приими, Дево,мольбу мию из уст недостойных, от скверных устен, дерзновенно приносити устремившегося: и свет умиления, Чистая, озари рабу Твоему.

Тучи слез мне подаждь Твоими молитвами, Дево, Мати Чистая: яко да плачу тепле, о ихже содеях на земли, и убегну Тобою муки всякия.

Слава:
Моего рыдания не отрини, яже Источник милосердия рождшая: но милостивно, Благая, Твоим милостивным оком, Богородице, души моея страсти исцели.

И ныне:
Стенанием плачися, душе моя, и себе отнюд рыдай покланяющися Матери Божии, и глаголющи:мене повиннаго избави муки страшныя.

Песнь 3.
Несть свят, якоже Ты, Господи Боже мой...

Несть ин, якоже аз, прегрешив, Пресвятая Чистая, порабощся злобами безмерных помышлений: но, на Тя недеявся, молю, сих мя исхити.

Се наидоша на мя, яко раны, вся вражия злобы, отяготевше и зело возсмердеша, и душу ведут на всяко падение.

Слава:
Многое множество моих прегрешений, сего ради, Пресвятая, верою припадая, вопию Ти, смиренный: в час страшный умолити, Егоже воплотила еси.

И ныне:
Святая Богородице, мене, повиннаго всякому осуждению, изми, дерзновение к Богу яко имуще матернее, и чертогу Сего учини мя.

Песнь 4

Христос моя сила...

Источник ми слез даруй, Владычице, яко да отмыю скверну смиренныя души моея, и обрящу доброту, юже погубих советом змииным.

Боже мой милосерде, Боже Человеколюбче, волителю милости, ныне на мя излий Свою милость: молит Тя надежда и заступница моя, Мати Твоя.

Слава:
Мене блуднаго, мене ужаснаго, без ума и безстудно много согрешша к тебе, Пренепорочная, ущедривши спаси и геенны свободи.

И ныне:
Пажить потреби смерти, рождши Жизнь всяческих; темже и аз зову Ти:согреших, спаси мя, Чистая, матерними твоими мольбами.

Песнь 5
Божиим светом Твоим, Блаже...

Помилуй мя, Чистая, на Тя всю надежду мою возложившего: и ущедри, верою взываю Ти, презревши души моея вся страсти лютыя.

Спаси мя от страстей, скорби, и вреда, лукавых сопротивных, и избави сих лаяния смиренную мою душу, да не рекут, Дево: укрепихомся нань.

Слава:
Чиста телом и душею, Пречистая, явльшися, душу мою от скверны свободи, дая ми чисто жити, и настави творити ми Господню Божественную волю.

И ныне:
Тя Едину имам прибежище, и к Богу пременение, иже во многих прегрешениих все житие мое иждих; темже мя, Богородице, Ты ущедри.

Песнь 6
Житейское море, воздвизаемое зря напастей бурею...

Исправи, Владычице, малое мое стенание и рукама воздеяние, якоже благовонну жертву, и Твой сподоби зрак чистою совестию узрети.

Глагол моих, Владычице Благая, не презри моление, родительнице милостиваго Бога, от Твоея утробы возсиявшего: но даждь ми прежде конца Божественное оставление.

Слава:
Преклонихся страстьми блудно преокаянный, и удалихся от Бога: Его же моли спасти мя , Благая, к Тебе бо прибегох, и одеждами мя пред ними украси.

И ныне:
Не опали ложесн Твоих огнь Сый Иисус, из Тебе плотию приходит: Сего, Чистая, моли, огня и всякия муки избавити верою воспевающих Тя.

Господи, помилуй (3)
Слава, и ныне.

Седален, гл.6
Чистая Дева, и славная, Ангелов славо, егда предстала еси Кресту Сына и Бога Твоего, не терпящи озлобления враг, взывала еси, рыдающи станеньми, Едина Благословенная: како терпит Человеколюбец, сих вся наносимая?

Песнь 7
Отроцы в Вавилоне пещнаго пламене не убояшася: но посреди пламене ввержени, орошаеми, пояху: благословен еси, Господи, Боже отец наших.

Возникни, о душе моя, от злых, яже содеяла еси: что спиши прочее? Что сном уныния низлежиши? Богородице возопий: Пресвятая, помози ми.

Образ вида Твоего чту, и не смею воззрети к Тебе, Пресвятая: молю прияти долгов прощение, и чисто видети твою пречистую икону.

Слава:
В Твое прибегаю, Богородительнице, заступление, и припадаю прияти прощение: не презри мене, Владычице, но ущедрив, спаси мя.

И ныне:
Многообразными злобами душетленного оскверних душу и ум, молю Тя, Пречистая: не презри, и того искушений исхити раба Твоего.

Песнь 8.
За законы отеческие блаженнии в Вавилоне юноши предбедствующе, царюющего оплеваша повеление безумное: и совокуплени имже не сваришася огнем, Державствующему достойно воспеваху песнь: Господа пойте дела и превозносите во вся веки.

Безмерно согрешив, и осквернив мое во гресех тело, неразумный, помышляю необыменного Суда день, и недоумевся, убояхся, и ужасаюся, и трепещу: ко благоутробию Твоему, Владычице, припадаю: не отрини мене, но виждь мою скорбь, и избави всякаго осуждения мук многообразных.

Закон Божественный презрев, в лености весь слежу, окаянный: призревши, Пречистая, возстави вскоре, и спасенных сотвори мя части получити, да, радуяся, зову Ти: радуйся, радосте миру, Едина предстательнице верою призывающим Твой твердый покров.

Слава:
Увы мне, душе моя, како предстанем тогда во страсе и трепете судищу страшному, егада Ангели предстанут во страсе и трепете? Богородицу имущи благу Заступницу, преклони колено, и воздежи руце к высоте, вопиющи: призри и пощади твоим милостивным тогда взором, Дево.

И ныне:
Покажи крепость Твою непостыдну заступление ныне: яко должник бо, матерними мольбами преклонится Твой Сын, Дево, предвари убо ныне в нужный час, да не отыду неготов, но поживу и еще, препетая Богородице Чистая.

Песнь 9.

Не рыдай Мене, Мати, зрящи во гробе, Егоже во чреве без семене зачала еси Сына: восстану бо и прославлюся, и вознесу со славою непрестанно, яко Бог, верою и любовию Тя величающия.

Да вышния славы получу, Дево, молюся Тебе: ослаби ми и избави долгов тмы, вся презревше, Пречистая, яже в неведении и разуме, вкупе дневная и нощная; яко да благодарственную песнь, радуюся, принесу Ти.

От всяких мя скорбeй исхити, Отроковице, и на камени постави нозе мои божественного спасения: Тя бо предстательницу необориму ныне стяжав, уповаю прейти стену и преграду, юже преслушанием древа создах.

Слава:
Тя молю, Рождшую милосердаго Судию и Владыку: приими дерзость скверных устен и убогое пение мое, и не омерзи мене паче всех человек грешнейшаго:Тя бо по Бозе Заступницу имею раб Твой.

И ныне:
Яко высши сущи созданий всяческих, во утробе Твоей имела еси, Богородице, Бога воплощенна: Сего прилежно моли, Чистая, разрешити всякаго настояния раба Твоего, да свободным гласом Тя славословлю и аз.

...яко должник бо, матерними мольбами преклонится Твой Сын, Дево...

...Пресвятая, верою припадая, вопию Ти, смиренный: в час страшный умолити, Егоже воплотила еси...

...Pодительнице милостиваго Бога, от Твоея утробы возсиявшего...

Не опали ложесн Твоих огнь Сый Иисус, из Тебе плотию приходит: Сего, Чистая, моли, огня и всякия муки избавити верою воспевающих Тя.