Молитва третья святителя Василия Великого:
Владыко Господи Боже наш,
Единородный Сыне и Слове Живаго и Бессмертнаго Отца,
Давый Себе о нас жертву, ихже ради вочеловечися,
Да сообразны Своего образа покажеши нас,
И присвоиши Себе причащением животворящих Твоих Таин.
Вознесу Тя, яко подъят мя
И неси возвеселил враг моих о мне,
Но возвел еси от ада душу мою,
И спасл мя еси от нисходящих в ров.
И ныне приклони ухо Твое ко мне и услыши глаголы моя,
И причастника мя сотвори, недостойного,
Якоже Своему образу,
Сице и пречистей плоти Твоей,
И самой честней Твоей Крови
Во оставление грехов, в прощение согрешением,
В Духа Святаго приобщение,
Презирая мне благости ради богатства
Вся вольная согрешения и невольная,
Яже в ведении моем бывшая и яже не в неведении.
Аще бо недостоин есмь небеси и земли,
Но создание Твое есмь и дело пречистых Твоих рук,
Аще и образ Твой преступлением заповедей Твоих растлих,
Презри моя согрешения,
Едине вземляй грехи мира и безгрешный, Господи,
Тебе бо единому согреших и к Тебе припадаю,
Благому Богу моему,
Аще и злыми моими делы присно прогневаю Тя,
Не возгнушайся мене нечистаго сердцем,
Оскверненна суща устама, страстнаго душею,
Но милости Твоей надеющася и приходяща!
Приими мя якоже блудницу и якоже разбойника и мытаря,
И прости ми множество многих злых моих дел,
Яко власть имый оставляти согрешающим согрешения
Пречистых ради Твоих Таин приобщения,
И углем святаго Твоего Телесе
Страстныя души моея попалив движения,
Очисти сердце мое, якоже некогда устне пророка Твоего,
Страшнаго ради Твоего Серафима.
Просвети же ми помышления светом веселия Твоего
И всего мя святости исполни,
Яко естеством свят Сый!
Причащением же честныя Твоея Крове
Веселия исполни сердце мое,
И ум мой Твоим радованием;
Вся моя уды телесныя умертви
Святых Твоих Таин причащением
И всякаго свободи плотскаго желания
Наитием Святаго Твоего Духа.
Ей, Боже, приходя и обитель творя
Со Отцем и Святым Духом Твоим во всех святых Твоих,
Сподобивый от мене грешнаго и недостойнаго приемлем бывати
В приносимой Тебе бескровней жертве
Безмерныя ради благости Ты во мне пребуди
Не сумненне и неразлучне до кончины живота моего,
И буди мне приложение жизни от губителя
Свет во откровение сокровенных Твоих Таин,
Наставник в путь заповедей Твоих,
В Царство Небесное, в вечное веселие,
Во исполнение премудрости, в совершение слова,
В зрение словес Твоих,
Таинник божественных небесных вещей,
Крепость на борители духи,
И на еже во мне всякому неподобному желанию утомитель буди!
Ей, Боже, единосущне Отцу и нам, Божий Слове,
Всяко буди ми Своему рабу,
И божественных Твоих даров причащения
Соединися мне во един дух,
По иже ко Отцу Твоему и Богу
Нас ради, недостойных, молению,
Яко плоть от Плоти Твоея есмь,
И кость от костей Твоих,
И тебя нося есмь от божественнаго крещения,
Аще бо и одежду Твою оскверних.
Ты бо еси рекий:
Ядый Мою Плоть и пияй Мою Кровь,
Аз в нем пребываю и той во Мне.
И Твоя есть слава во веки.
Аминь.
via
![[livejournal.com profile]](https://www.dreamwidth.org/img/external/lj-userinfo.gif)
o_k_kravtsov![[personal profile]](https://www.dreamwidth.org/img/silk/identity/user.png){kind=small}