Christiana sum. Christiani nihil a me alienum puto

 Смерти разрешив 
болезни,
пострадав,
Начальниче жизни,
Боже наш,
усопшия от века рабы Твоя
упокой.


От века
яже приял еси
верныя,
Боже, 
род всякий человеческий сподоби
во веки 
со служащими Тебе,
славити Тя.

Сокрушивый 
первее сень смертную,
возсияв, 
яко солнце из гроба,
сыны воскресения твоего сотвори,
Господи славы,
вся умершия в вере,
во веки.

Христос воскресе,
разрешив узы Адама первозданного,
и Адову разрушив крепость.
Дерзайте все мертвии: умертвися смерть,
и Христос воцарися,
распныйся и воскресый.


...аще Христу есмы сродни,
что не притекаем к Нему? (Суббота мясопустная)

Имеяй непостижимое еже о нас благоутробие,
и источник неистощимый Божественныя благости,
Многомилостиве,
иже к Тебе, Владыко,
прешедшия,
на земли живых всели, 
в селения возлюбленная и желаемая,
одержания даруя,
всегда пребывающее.
Ты бо за всех пролиял еси кровь Твою, Спасе,
и живоносную ценою 
мир искупил еси (глас 6)