Christiana sum. Christiani nihil a me alienum puto

От кладязя воды,
земнаго и тленнаго,
пришедши обычно самаряныня почерпсти,
живую воду почерпе:
тако обретши источник седящий,
идеже источник и кладязь Иаков ископа,
мира пламенопитательныя зноем напаяющий.

От сладких уст жены,
 воду пиемую, 
сладкую истекающую, 
сущии во граде пиюще, 
и ко кладязю источающему обилие воды, 
потщахуся тещи скоро 
и источник видети приснотекущий, 
истаявшия души воспрохлаждающий.

Дела сотворих многая, 
и коего ради дела камением биете Мя? 
Иудеем Христос, обличая, взываше: 
еда зане человека здрава всего словом сотворих, 
не судите на лице человецы.

Источник сый 
Господи
 жизни, 
воду оставления 
и разумения 
даровал еси, 
жене просившей древле 
самаряныне.
 Темже воспеваем неизреченныя щедроты Твоя.

На Кресте Тя беззаконнии пригвоздиша, 
и копием прободоша
 Христе,
 и Иосиф благообразный Тя погребе в новом гробе:
 из негоже со славою воскрес, 
совоскресил еси 
Спасе,
 всю тварь 
поющую державу Твою.

Хлеб ядуще Плоти Господни,
 и Кровь приемлюще ребра Владычня, 
обновлением Духа да жительствуим, 
живуще благодатию.

Струя 
сый 
Господи
 жизни независтная,
 и бездна милости
 Блаже,
 путешествовав седиши близ кладязя клятвеннаго, 
и самаряныни вопиял еси:
 даждь Ми воду пити,
 яко да приимеши 
оставления воды.

Чистая таинства услышим, 
Иоанну нас учащу, 
в Самарии бывшая: 
како жене беседоваше Господь, 
воду просив,
 Иже воды 
в сонмища их собравый, 
Иже Отцу и Духу сопрестольный: 
прииде бо ищай образ Свой,
 вечно 
яко приснославный.


Жизнь живущих,
 источник благих 
Господь,
 богатно источаяй воду учений, 
вопиет жене: 
подаждь Ми воду пити, 
яко да подам ти воду, 
грехов твоих источники 
изсушающую.