Christiana sum. Christiani nihil a me alienum puto

Слава: Возвести ми, Егоже возлюби душа моя, где пасеши Ты, Пастырю
добрый? Где почи-ваеши в полудне в шестый час, егда на Голгофе солнце
лучи свои скрывает, Ты же — греси моя искупляеши? Да не когда буду яко
облагающаяся над стады другов Твоих, душа моя ищет Тя.

И ныне: Конем в колесницех фараоновых уподобих Тя, Дево Пресвятая, Сын
Твой и Бог наш, яко Тобою попра силу фараона мысленнаго и проведе нас
чрез моря греховнаго пучину ко Отечествию обетованному.

Аз цвет польный и крин удольный — воклицает Жених мой и Господь! Ты,
Иисусе, вопло-тившись цветеши посреди терния греховнаго души моея.
Терновый венец Твой каплями кро-ви украшен — украсися и ты, душе моя,
любовию к Жениху твоему Небесному.

Дикими древесы лесными поросте вертоград души моея, но посреде процвел
еси, Иисусе, яко Яблонь. Под сень его восхотех, идеже дхнет день,
идеже несть зноя греховнаго, идеже являешися Ты, Создателю мой.
Сладость плодов Твоих исцеляет от горести плода преслуша-ния, некогда
мною вкушеннаго.

Грядый на Голгофу вшел еси Иисусе в дом пира Божия, в дом вина
излиянныя крове Твоея. Крестное знамя любве Твоея надо мною, имже мя
введи во брачную ложницу вечери Твоея, да утвердиши мя вином крове
Своея и освежиши яблоком плоти — сим плодом послушания.

Шуйца Твоя, Господи, наказуя мя за грехи, под главою моею, а десница
милости и щедрот Твоих — обимет мя, аз же окаянный, когда воспряну от
злых дел моих и возлюблю Тя?

Явися в нощех Жених мой и Бог — глава Его наполнися росы благодати и
власи Его капель нощных. В нощи Божественнаго Мрака пребывает, яко
рече блаженный Дионисий. Сущности Его не видяще росы и капель
благодати явлений Его приобщаемся.


http://www.poetica.ru/text.php?t=264